कलावंताने,
प्रतिभेची पालवी आटून
मोहर झडू लागलल्याची
चाहुल लागताच
आत्मपरीक्षणाची पहार घेऊन
खणायला सुरवात करावी.
आपल्याच मुळाशी
निबर झालेल्या यशाचे अहंगड
नाहीतर अपयशाचे न्यूनगंड
गुठळ्या होऊन तिथे घट्ट चिकटलेले दिसतील
त्याना तिथून तातडीने हूसकावणं गरजेचं आहे
वास्तवाच्या काठीने
कारण त्यांच्या मगरमिठीतून
मुळांची मोकळिक नाही झाली
तर उभं झाड करपायला वेळ लागत नाही
- गुरु ठाकुर
No comments:
Post a Comment