Friday, October 26, 2012

’देशभक्ती’ची नवी व्याख्या...?????



        

     
सवलतीच्या दराचे सिलेंडर नको असलेल्यांची ’देशभक्त’ ही नवी श्रेणी तयार करण्याचा  प्रस्ताव पेट्रोलियम मंत्रालयाला सादर करण्यात आला आहे. ही बातमीच सामान्यांना पेटवणारी आहे. याचा अर्थ सवलतीच्या दरात सिलेंडर घेणारा सामान्य देशद्रोही का??? नाही म्हणजे सवलतीच्या दरात घेणा-यांत घोटाळेबाज भ्रष्टाचारी राजकारणी नेते येत असतील तर ठीक आहे पण अनाथाश्रम,वृद्धाश्रम वा तत्सम संस्थांचे काय? मध्यमवर्गाचे राहु द्या दोन वेळच्या अन्नाला महागलेल्या गरीबांचे काय? हे सारेच देशद्रोही का??? आणि काळाबाजारी, गुंड, अनैतिक मार्गाने बक्कळ कमवणारे, ज्यांच्यावर हजारो खटले दाखल करुन आहेत, ते केवळ या एका गोष्टीने देशभक्त ठरणार? आणि ठरवणार कोण?? देशवासियांना देशोधडीला लावायचा विडा उचललेले? या महाभागाना देशभक्तीची लेबलं वाटायचा मक्ता दिला कुणी?????
      आणि खरोखरच पेट्रोलिअम मंत्रालय जर हा प्रस्ताव मांडणार असेल तर घोटाळेबाज भ्रष्टाचा-यांना ठार करुन फासावर जाणा-यांना ’शहीद” दर्जा देऊन मरणोत्तर वीरचक्र देण्याचा प्रस्तावही एखाद्या मंत्रालयाने जनतेतर्फे मांडावा…….पण मांडणार कोण??????

लोकशाहीला लुचती लांडगे
पडे बापडी आजारी
देशभक्तीसही बटकी करुनी
बसवू पाहती बाजारी
माजावरले वळु पोसतो
खंत कुठे ही बोलावी
कणाच पिचता संसाराची
मोट कशी हो ओढावी?
कुणी न वाली सुग्रीव सारे
शोधित फिरती रामाला
लाचारांची लाळ विकाऊ
मोल न उरले घामाला
-    गुरु ठाकूर


6 comments:

  1. sir, i am fan of yours. Warchi kavita apratim aahe. Tumchi yalgaar pan mala khup awadte. Tumhi Firodiya 2012 la judge hota teva mazya ekankikela "Aham", dusra bakhsis dila hota. Manus ani prani ashi analogy hoti..thanks sir. Keep inspiring.
    -Gaurav Kothari

    ReplyDelete
  2. wah Apratim kavita....ahe..you are realy realy great

    ReplyDelete
  3. Hi Guru..
    Anekanchya manatla bolalas.. ani tuzya ya wicharancha kahi jananwar tari nakki prabhaw padelach..tyamule ya blog baddal tula dhanyawad

    ReplyDelete
  4. This comment has been removed by the author.

    ReplyDelete
    Replies
    1. hi GURU sir......

      pratham..,blog baddal tumche dhanyvad.

      kharch..,nirarthak ahet te sagale!!!.....

      pan hya ghadnarya goshtincha "KHARA ARTH" parkhadpane sangnare, V samannyana KHADBADUN jage karnare "ASE LEKHAN AHE TUMCHE"...........

      Delete